دم على نهد

ابرهيم عيسى صحفى مصرى اتولد فى نوفمبر 1965، مؤسس جرنال الدستور, كاتب مجموعة كبيرة من الكتب و بيكتب فى عمود مخصوص كل يوم فى جرنال الدستور. مشهور انه بيتريق وبيسخر من الاوضاع السياسية فى مصر او فى العالم عموما. كان رئيس تحرير الجرنال لحد 5 اكتوبر 2010 لما مالك الجرنال الجديد السيد البدوى رئيس حزب الوفد الجديد اقاله بدون قول اسباب و كانت مفاجأةعملت ازمة فى الوسط الصحفى و حصل اعتصام من الصحفيين فى الجرنال و المعارضه بتقول ان كل دى خطة من الحكومة المصرية عشان يسكتوا المعارضة و يقضوا على جرنال الدستور اللى ليها شعبية كبيرة.فى كلام ان سبب اقالة عيسى انه كان مصمم انه ينشر مقالة كتبها الدكتور محمد البرادعى بيتكلم فيها عن حرب اكتوبر و اللى البلد فيه دلوقتى و اصرار السيد البدوى انها متنتشرش، بس فى كلام ان الموضوع كله متجهز من جهات عشان يدمروا جرنال الدستور.